இராகம்: ஆனந்தபைரவி தாளம்: ஆதி
பல்லவி
வந்திடும் எம் கிருபாகரா ஏற்றிடும் எங்கள்
சொந்தக் காணிக்கைகளை; அன்பாய்
அனுபல்லவி
எங்கள் குறைகள் யாவும் நீர் இரங்கிப் பொறுத்தருள்வீர்
பங்கமில்லா எம் முயற்சி பலன் பெறத் தாரும் மாட்சி!
சரணங்கள்
1. கர்த்தனே எல்லா ஜனத்தையும் - காணிக்கை தர
உத்தமா நீ ஏவியே விட
இத்தருண மிங்கு கூடி இறைவா யுமையே வேண்டி
பக்தியோடெங்களையுமே படைத்து மன்றாடுகிறோம்
2. துட்டரெமை மீட்டவேயெம் - கர்த்தாவே நீரும்
இட்டமுடன் பாடுபட்டீரே
கிட்டியுந்தன் பாதம் வந்து கொடுக்கும் எம் காணிக்கையை
மட்டில்லாக் கிருபையுடன் மன்னா ஏற்றுக் கொள்ளுமையா
K.S Abraham
K.S Abraham
No comments:
Post a Comment