பாடல் 503: துலங்கிடவே தூயன் திரு நாமமே

      'ஆனந்தமாய் நாமே ஆர்ப்பரிப்போமே' என்ற மெட்டு

     பல்லவி

    துலங்கிடவே தூயன் திரு நாமமே

    இலங்கிடுதே சேனை ஆலயமே

    இனிதுடன் திகழுமித் தினமிதிலே

    கனிவுடன் எழுந்திடுவீர்!

    அனுபல்லவி

    ஆலயமே! நம் ஆனந்தமே - வல்ல

    அற்புத தேவனின் மாளிகையே   

    பாவிகளின் நல் புகலிடமே

    பரிசுத்த அலங்காரமே

    சரணங்கள்

1. சாலொமோன் ஆலயம் சிறந்திடவே

    சகல மகிமையும் நிறைந்திடவே

    மேகம் போல் வந்தவா! வல்லமையாய்

    இவ்வாலயம் சிறந்திட வா! - ஆலயமே

2. துதித்திடுவோம் நம்மில் வசித்திடுவார்

    பசிதாகம் இனியில்லை மேய்த்திடுவார்

    ஜீவத் தண்ணீரண்டை நடத்திடுவார்

    கண்ணீரைத் துடைத்திடுவார் - ஆலயமே

3. ஆலயத்தை பாதுகாத்திடுவோம்

    அளவிலா நன்மைகளடைந்திடுவோம்

    உறுதியான தூணாய் நிலைத்திடுவோம்

    பயத்துடன் பணிந்திடுவோம் - ஆலயமே

4. வானாதி வானங் கொள்ளாத தேவா! இவ்

    வாலயம் உமக்கொரு தாபரமே

    வாசங் கொள்வீர் எம துள்ளத்திலே

    வந்திடுவீர் இயேசுவே! - ஆலயமே   

(சங் 122:1) (I இரா 6:3, 17) (2 நாளா 6:33-53) (சங் 93:5) (I இரா 8:10-11) (2 நாளா 7:1-2) (எசே 43:5) (ஆகா 2:7) (வெளி 7:15,16,17) (நெகே 10:39) (சங் 122:9)  (வெளி 8:12) (சங் 5:7) (2 நாள் 6:19)  (2 கொரி 6:16,19)