இராகம்: செஞ்சுருட்டி தாளம்: ஆதி
பல்லவி
இந்தக் குழந்தையை நீர் ஏற்றுக்கொள்ளும் கர்த்தாவே!
அனுபல்லவி
உந்தனுக் கிந்தருணம் சொந்தமாய் ஒப்புவிக்கும்
சரணங்கள்
1. சேனை வீரனாய் வந்து ஈன சாத்தானை வென்று
ஞான புதல்வனாய் எந்நாளும் உமைத் துதிக்க - இந்த
2. பொய், வஞ்சம், வன்மம், பகை பொல்லாக் குண மணுகா
மெய்யன்பு சத்யம் நேசம் விளங்கி என்றுமொழுக - இந்த
3. இரட்சிப்பின் சத்தியத்தை எத்திசையிலுங் கூறும்
சுத்த நல் வீரனாக இத்தரையில் விளங்க - இந்த
4. சஞ்சலம், துயர், துக்கம் மிஞ்சும் தருணத்திலும்
நெஞ்சிலும் நின் பஞ்ச காயம் தஞ்ச மென்றுன்னைச் சார - இந்த
No comments:
Post a Comment