பாடல் 505: எங்கள் ஆத்ம நேசரே

   'தொழுகிறோம் எங்கள் பிதாவே' என்ற மெட்டு

  பல்லவி

  எங்கள் ஆத்ம நேசரே நீர்

  எழுந்தருளும் இந்த வீட்டில்

  அனுபல்லவி

  எந்தையே நீர் இன்றும் என்றும்

  எம்மிடையே தங்கும் தங்கும்

  சரணங்கள்

1. இங்கு வசிக்கும் நாட்களெல்லாம்

    இன்ப வாழ்க்கை அமைந்திடவே

    அன்பர் எங்கள் ஆதி துங்கா

    அன்பின் ஆசி அருளும் அருளும் - எங்கள்

2. சோதனையும் வேதனையும்

    சோர்புறச் செய்யும் வேளையில்

    நாதனே உம்மில் நிலைக்க

    நல்லாசியால் நிரப்பும் நிரப்பும் - எங்கள்

3. அத்தனே உம்மோடுறவாய்,

    நித்தமும் நிலைத்து ஒழுக

    சத்திய வசன ஞான,

    சத்துணவால் நிறைக்க நிறைக்க - எங்கள்

4. அம்பரா மேல் வீட்டின் நாட்டம்,

    ஆத்துமாவின் அனுதின தேட்டம்,

    பூர்த்தி செய்யும் பொற்பதியாய்

    ஆக்கிடவே இரங்கும் இரங்கும் - எங்கள்