இராகம்: இந்துஸ்தானி தாளம்: ஆதி
பல்லவி
என் மீட்பர் உயிரோடிருக்கையிலே எனக்
கென்ன குறை உண்டு நீ சொல் மனமே!
சரணங்கள்
1. என்னுயிர் மீட்கவே தன்னுயிர் கொடுத்தோர்
என்னோடிருக்கவே எழுந்திருந்தோர்
விண்ணுல குயர்ந்தோர் உன்னதம் சிறந்தோர்
மித்திரனே சுக பத்திரமருளும்! - என்
2. பாவமோ மரணமோ நரகமோ பேயோ,
பயந்து நடுங்கிட ஜெயஞ் சிறந்தோர்
சாபமே தீர்த்தோர் சற்குரு நாதன்
சஞ்சல மினியேன்? நெஞ்சமே மகிழாய்! - என்
3. ஆசி செய்திடுவார் அருள் மிக அளிப்பார்
அம்பரந்தனில் எனக்காய் ஜெபிப்பார்,
மோசமே மறைப்பார் முன்னமே நடப்பார்
மோட்ச வழி சத்திய வாசல் உயிரெனும்! - என்
4. கவலைகள் தீர்ப்பார் கண்ணீர் துடைப்பார்
கடைசி மட்டும் கைவிடாதிருப்பார்
பாவ மன்னிப்பளிப்பார் பாக்கியம் கொடுப்பார்
பரம பதவியினுள் எந்தனை எடுப்பார்! - என்எழுதியவர்: ஞா. சாமுவேல்
No comments:
Post a Comment