பாடல் 478: ஞானக் குரு பரனே

    'இயேசுவே செங்கரும்பே' என்ற மெட்டு தாளம்: ஆதி

 

    பல்லவி

    ஞானக் குரு பரனே - இந்த

    நானிலத்தில் கலியாணம் வகுத்த மெய் - ஞான

    அனுசரணங்கள்

1. கானாவிலே யிது போன்ற மணத்தில்

    கர்த்த னெழுந்ததுபோல இத்தினத்தில்;

    வானா! நீர் வாரு மிவ் வானந்தக் கூட்டத்தில்

    வந்துன் கிருபையைத் தந்து முடிசூட்டும் - ஞான

2. இரஷகனே யிப்போ கண்ட நல் ஐக்யம்

    எந்நாளு மோங்கக் கிருபை செய் ஸ்லாக்யம்;

    உச்சரிக்கைப்படி வாழ்ந்திடும் பாக்கியம்

    முத்தரித்தே யிதைச் சுத்திகரித்திடும் - ஞான

3. இந்நிமிஷந் தொட்டு இந்த நல் நண்பரின்

    இல்லற நாட்கள் எவ்வளவாயினும்;

    அந்நாட்களிலிவர் அருமைப் பிதாவின்

    விண்ணுலகத்தையே கண்ணோக்கி வாழ - ஞான