"ஆத்துமமே" என்ற மெட்டு
பல்லவி
மண வாழ்வு - புவி - வாழ்வினில் வாழ்வு
மங்கள வாழ்வு - வாழ்வினில் வாழ்வு
மண வாழ்வு - புவி - வாழ்வினில் வாழ்வு
மருவிய சோபன சுபவாழ்வு
1. துணைபிரியாது - தோகை இம்மாது
மணவாளன் மணவாட்டி இதுபோது
மறைமுறையோது வசனம் விடாது
வந்தனரு மதருள் பெறலேது - (நல்ல) மண வாழ்வு
2. ஜீவ தயாபரா - சிருஷ்டியதிகாரா
தெய்வீக மாவணமலங்காரா
தேவகுமாரா திருவெல்லையூரா
சேர்ந்தவர்க்கருள் தராதிருப்பீரோ - (நல்ல) மண வாழ்வு
3. குடித்தன வீரம் - குணமுள்ள தாரம்
கொடுத்துக் கொண்டால் அது சமுசாரம்
அடக்க மாசாரம், அன்பு உதாரம்
அம்புவிதனில், மனைக்கலங்காரம் - (நல்ல) மண வாழ்வு
S.S. Jeremiah
No comments:
Post a Comment