பாடல் 143: நல் மீட்பர் இயேசு நாமமே

     How sweet the name of Jesus sounds - 58

               (Tune 50, 87, 94 and 571 of ESB)

1. நல் மீட்பர் இயேசு நாமமே

    என் காதுக்கின்பமாம்;

    புண்பட்ட நெஞ்சை ஆற்றவே

    ஊற்றுண்ட தைலமாம்!

    பல்லவி

    இயேசுவின் நாமம் நேசிக்கிறேன்!
    நேசிக்கிறேன் நேசிக்கிறேன் நேசிக்கிறேன்!

    இயேசுவின் நாமமே!

2. அந்நாமம் நைந்த ஆவியை

    நன்றாகத் தேற்றுமே;

    துக்கத்தால் தொய்ந்த உள்ளத்தைத்

    திடப்படுத்துமே! - இயேசுவின்

3. பசித்த ஆத்மாவுக்கு

    மன்னாவைப் போலாகும்

    இளைத்துப் போன ஆவிக்கு

    ஆரோக்யம் தந்திடும்! - இயேசுவின்

4. என் இரட்சகா என் கேடகம்!
    என் கோட்டையும் நீரே!

    நிறைந்த அருள் பொக்கிஷம்

    அனைத்தும் நீர் தாமே! - இயேசுவின்

5. என் ஜீவன் போகும் நேரமும்

    உன் நாமம் பற்றுவேன்;

    எப்போதும் அதைப் பாடவும்

    விண் கரை ஏறுவேன்! - இயேசுவின்

                               John Newton (Verses)