இராகம்: முகாரி தாளம்: ஆதி
பல்லவி
வாரீரோ! செல்வோம் - வன்குருசடியில்
சரணங்கள்
1. என்னென்று அறியார் - மண்ணோர் செய்த பாவம்
மன்னியப்பா வென்ற - மத்தியஸ்தனைப் பார்க்க - வாரீரோ
2. அன்று கள்ளனோடு - இன்று பரதீசில்
வந்திடுவாய் என்ற - வல்லவனைக் காண - வாரீரோ
3. இவனுன் சேய் என்றும் - அவளுன் தாய் என்றும்
புவிவாழ்வீரென்ற - புண்ணியனைப் பார்க்க - வாரீரோ
4. ஒன்னாரைக் கைவிட - எண்ணமில்லா நாதன்
என்னையேன் கைவிட்டீர் - என்ற உரை கேட்க - வாரீரோ
5. தேவ கோபமூண்டு - ஏகன் நா வறண்டு
தாகமானேன் என்று - சாற்றினதைக் கேட்க - வாரீரோ
6. ஏவை வினை தீர - தேவ நேய மேற
யாவும் முடிந்தது - என்ற வாக்கைக் கேட்க - வாரீரோ
7. அப்பன் வசந்தீறாய் - இப்போதாவி நேராய்
ஒப்புவித்தேன் என்ற - ஓசையுரை கேட்க - வாரீரோAV. ஆபேல்
No comments:
Post a Comment