இராகம்: கௌசிகை தாளம்: ஆதி
பல்லவி
மகனே! உன் நெஞ்செனக்குத் தாராயோ? மோட்ச
வாழ்வைத் தருவேன் இது பாராயோ?
சரணங்கள்
1. அகத்தின் அசுத்தமெல்லாம் துடைப்பேனே - பாவ
அழுக்கை நீக்கி அருள் கொடுப்பேனே - மகனே
2. உந்தன் ஆத்துமத்தை நீ படைப்பாயே - அதில்
ஊக்கமாய் வசிக்க இடம் கொடுப்பாயே - மகனே
3. பாவம் அனைத்துமே விட்டோடாயோ? நித்ய
பரகதி வாழ்வை இன்றே தேடாயோ - மகனே
4. உன் பாவம் முற்றும் பரிகரிப்பேனே - அதை
உண்மையாய் அகற்ற நான் மரித்தேனே - மகனே
No comments:
Post a Comment