இராகம்: தன்யாசி தாளம்: ஆதி
பல்லவி
எத்தனை திரள் என் பாவம், என் தேவனே!
எளியன் மேல் இரங்கையனே!
எளியன் மேல் இரங்கையனே!
அனுபல்லவி
நித்தம் என் இருதயம் தீயதென் பரனே
நிலைவரம் எனில் இல்லை; நீ என் தாபரமே!
சரணங்கள்
1. பத்தம் உன்மேல் எனக்கில்லை என்பேனோ?
பணிந்திடல் ஒழிவேனோ?
சுத்தமுறுங் கரங் கால்கள் விலாவினில்
தோன்றுது காயங்கள் தூய சிநேகா! - எத்தனை
2. எந்தன் அநீதிகள் என் கண்கள் முனமே
இடைவிடா திருக்கையிலே!
உந்தன் மிகுங்கிருபை ஓ! மிகவும் பெரிதே
உந்தன் மிகுங்கிருபை ஓ! மிகவும் பெரிதே
உத்தம மனமுடையோய்! எனை ஆளும் - எத்தனை
3. ஆயங் கொள்வோன் போல் பாவ ஸ்திரீபோல்
அருகிலிருந்த கள்ளன் போல்
நேயமாய் உன் சரண் சரண் என வணங்கினேன்!
நீ எனக்காகவே மரித்தனை பரனே! - எத்தனை
4. கெட்ட மகன்போல துட்டனாய் அலைந்தேன்
கெடு பஞ்சத்தால் நலிந்தேன்
இட்டமாய் மகன் எனப் பாத்திரன் அல நான்
எனை இரட்சித்திடல் எந்தன் நிமித்தமே அப்பனே - எத்தனை
B.D
No comments:
Post a Comment