பாடல் 152: பரிசுத்த பரனே துதியுமக்கு

    பல்லவி

    பரிசுத்த பரனே துதியுமக்கு

    பரலோகம் விட்டவரே துதியுமக்கு

    சரணங்கள்

1. நரர் சிறை விடுக்க, சுரர் புகழ் வெறுத்த

    திருமறை முடிவே, துதியுமக்கு

    திருச்சித்தம் செய்ய நரரூபாய் வந்தவா

    கருணையின் கடலே துதியுமக்கு - பரிசுத்த

2. தலைதானும் வைக்க நிலையின்றித் திரிந்தாய்

    நிலையே, நிதியே, துதியுமக்கு

    கெத்சமனேயிலதி துயர் கொண்டாய்

    அதிசய அன்பே துதியுமக்கு - பரிசுத்த

3. அன்னாவின் மனையில் கன்னத்திலறைய

    சின்னப்பட்டவரே துதியுமக்கு

    முகத்தினில் துப்பி முதுகினிலடித்த

    பகைவர்க்கு மன்னித்தாய், துதியுமக்கு - பரிசுத்த

4. நெடுங்குருசேறி கடுந்துயர் கொண்டு

    மடிந்த என் சிரசே, துதியுமக்கு

    மரணத்தை வென்ற காரணத்தால் இந்த

    தருணத்தில் மிகுந்த துதியுமக்கு - பரிசுத்த