பாடல் 158: தந்தானைத் துதிப்போமே

    இராகம்: பியாகு தாளம்: ஆதி

    பல்லவி

    தந்தானைத் துதிப்போமே - தேவ

    தாசரே கவி பாடிப் பாடி

    அனுபல்லவி

    விந்தையாய் நமக்கனந் தனந்தமான

    விள்ளற் கரியதோர் நன்மை மிக மிக

    சரணங்கள்

1. ஒய்யாரத்துச் சீயோனே - நீயும்

    மெய்யாகவே களிகூர்ந்து நேர்ந்து

    ஐய னேசுக் குனின் கையைக் கூப்பித் துதி

    செய்குவையே மகிழ் கொள்ளுவையே - நாமும் - தந்தானை

2. கண்ணாரக் களித்தாயே - நன்மைக்

    காட்சியைக் கண்டு ருசித்துப் புசித்து

    எண்ணுக் கடங்காத எத்தனையோ நன்மை

    இன்னுமுன்மேற் சோனாமாரி போற் பெய்துமே - தந்தானை

3. சுத்தாங்கத்து நற் சபையே - உனை

    முற்றாய்க் கொள்ளவே அலைந்து திரிந்து

    சத்துக் குலைந்துனைச் சக்தியாக்கத் தமின்

    இரத்தத்தைச் சிந்தி எடுத்து உயிர் வரம் - தந்தானை

4. தூரந் திரிந்த சீயோனே - உனைத்

    தூக்கி எடுத்துக் கரத்தினி லேந்தி

    ஆரங்கள் பூட்டி அலங்கரித்து உனை
    அத்தன் மணவாட்டி யாக்கினது என்னே! - தந்தானை