பாடல் 170: வேறு ஜென்மம் வேணும்

    இராகம்: கரகரப்பிரியை தாளம்: ஆதி

    பல்லவி

    வேறு ஜென்மம் வேணும் - மன

    மாறுதலாகிய உள்ள சுத்தி எனும்

    சரணங்கள்

1. கூறு பரிசுத்தர் மாறிலா தேவனின்

    தேறுதலான விண் பேறு பெற இங்கே - வேறு

2. பாவ சுபாவமும் ஜீவியமும் மாறி

    தேவனின் சாயலை மேவுவதாகிய - வேறு

3. மானிடரின் அபிமானத்தினாலல்ல

    வானவரின் கிருபானந்தமாய் வரும் - வேறு

4. ஒன்றான இரட்சகர் வென்றியை நம்பி

    மன்றாடுவோருக்கு ஒன்றுவதாகிய - வேறு

5. மைந்தர் கெடாம லுகந்து ஈடேறவே

    சொந்த மகன் தனைத் தந்த பிதா அருள் - வேறு

6. மண்ணினில் பத்தராய் நண்ணி நடக்கவும்

    விண்ணினில் சுத்தராய் தண்ணொளி கொள்ளவும் - வேறு