பாடல் 29: வாரும் கிறிஸ்துவண்டை நேரே

    இராகம்: குந்தலவராளி தாளம்: ஆதி

    பல்லவி

    வாரும் கிறிஸ்துவண்டை நேரே - பூரணவிசு

    வாசமுண்டால் இரட்சை ஈவாரே

    அனுபல்லவி

    பாரும் கிறிஸ்து பட்ட

    பாட்டின் பலன்கள் கிட்ட

    சரணங்கள்

1. பாவப் பாரங்கள் சுமந்தாரே - கெத்சமனேயின்

    காவில் தேற்ற பலப்பட்டாரே;

    ஆவி மிக வருந்த ஆச்சே வேர்வை இரத்தமாய்! - வாரும்

2. தேவ தூஷணங்களைச் சாற்ற - நிர்மலனும்

    தேவ நீதியை நிறைவேற்ற

    கோவே முண்முடி சிரங்கொண்டா ரடிகளுரம்! - வாரும்

3. பாரக் குருசு ஏற்றினாரே - கால் கரங்களில்

    சேர ஆணி கடாவினாரே;

    நேரே விலாவில் குத்துண்டாரே நரர் பிழைக்க! - வாரும்

4. துங்கன் மேனியலைந்து காயம் - பாவிகளுக்கு

    அங்கே அடைக்கல சகாயம்;

    நொந்து சிலுவையடி பொங்கு முதிரந்தேடி! - வாரும்

5. எல்லாம் முடிந்த தென்று ஆவிவிட்ட மூன்றாம் நாள்

    வல்லானுயிர்த்துப் பரமேகி

    நல்லான் பரிந்து பேசி நாடித்தேடுறா ரும்மை - வாரும்