சரணங்கள்
1. நித்திய மோட்சானந்த - மகிமை
நினைத்தால் முடியாது - ஆனால்
மெத்தச் சுருக்கமதாய் - வேதத்தோ
டொத்துப் பார்த்தால் தெரியும்
2. மங்கள நகரத்திற்கு - மதில் வச்சிரக்
கல்லாலே போட்டிருக்கும் - மிகு
தங்கத்தைப் போல் பளிங்காய்த் துலங்கிடும்
சாயுச்சியப் பட்டணமே
3. சூரிய சந்திரனின் ஒளியங்கு
தோன்றிடக் கூடாது - இயேசு
நீதியின் சூரியனாய்ப் பிரகாசிப்பார்
நிச்சயம் நிச்சயமே
4. துன்பத்தின் பாதை சென்ற - பரிசுத்த
சுவாமியின் மக்களெல்லாம் - பே
ரின்பத்தால் சூழப்பட்டு இராக்காலம்
இல்லாமல் வாழ்ந்திடுவார்
5. கண்ணீரும் அறியார்கள் - மனக்
கவலையுமறியார்கள் - ஜீவ
தண்ணீரால் தாகம் நீங்கி, சதா காலம்
சந்தோஷம் கொண்டாடுவார்
6. நோய் பிணி யணுகாது - கெட்ட
பேய்களுமணுகாது - அங்கே
ஓசன்னாப் பாட்டுடனே தெய்வத்தை
ஓயாமல் போற்றிடுவார்
7. ஆசனம் இயேசுவுடன் - ஜெயம் பெற்ற
அன்பர்க்குப் போட்டிருக்கும் - அங்கே
ஓசன்னாப் பாட்டுடனே தெய்வத்தை
ஓயாமல் போற்றிடுவார்
8. பாவமில்லா உலகம் - இந்தப் புவி
பாவஞ்செய்யும் உலகம் - அங்கே
சாபமில்லா மகிமை இந்தப் புவி
சாபத்தால் கெட்டதுவே
9. பாடு வருத்தமில்லை - இங்கே பல
பாடுங் கொடுமையுமே - அங்கே
வாடும் மனுஷரில்லை இங்கே யெல்லாம்
வாடிப்போகும் பொருளே 
No comments:
Post a Comment