இராகம்: அமிர்த கல்யாணி தாளம்: ஆதி
பல்லவி
ஆவியை மழைபோலே ஊற்றும் - பல சாதிகளை
இயேசு மந்தையிற் கூட்டும்
அனுபல்லவி
பாவிக்காய் ஜீவனை விட்ட கிறிஸ்துவே
பரிந்து நீர் பேசியே இறங்கிடச் செய்யும்
சரணங்கள்
1. வருகையின் நாள் கிட்டிடுதே - துஷ்ட
மாறாட்டக்காரரின் கொடுமை மிக்குதே;
ஐந்து காயத்தில் அடைக்கலத்தைப் பெற
எந்தையே பாவியை ஏவி எழுப்பிட - ஆவி
2. அன்பினால் ஜீவனை விட்டீர் - ஆவி
அருள் மாரி பொழியவே பரலோகஞ் சென்றீர்;
துன்மார்க்கன் பாவத்தை முற்றாக வெறுத்து
சன்மார்க்கர் பாதையில் சான்றோனாய்ச் செல்ல - ஆவி
3. சாத்தானின் கோஷ்டம் அதிகம் - அவன்
தந்திர குணங்களின் சேஷ்டை அதிகம்;
கர்த்தன் கிறிஸ்துவின் திருக் கரத்தாலே
கலகக் குணங்களை ஒழிந்திடச் செய்யும்! - ஆவி
4. இரட்சண்ய கீதங்கள் பாட - எங்கும்
இரட்சண்ய மூர்த்தியைப் பாவிகள் தேட
பக்தி வைராக்கியத்தால் நிறைந்து போர் செய்ய
பரிசுத்த ஆவியின் அருள்மாரி ஊற்றும்! - ஆவி
No comments:
Post a Comment