இராகம்: கமாஸ் தாளம்: ஆதி
பல்லவி
என்ன துன்பநாள்! இயேசென்னோடில்லா நாள்
இன்பமே தோன்றாத நாளாம் - என் வாழ்வு நாள்
அனுபல்லவி
ஒளிமங்கிப் போனநாள் மகிழொழிந்திட்ட நாள்!
எழில் இயேசென்னோடிருந்தால் எனக்கது இன்பநாள்!
சரணங்கள்
1. அவர் பேர் சுகந்தமே அவர் சத்தம் இன்பமே!
அவர் முன்னென் துயர் போமோ-மா நேர்மையே!
பயமொன்று மில்லையே பரனடி நிற்கவே
தயவுள்ள இயேசு எந்தன் தாபரம் இதுண்மையே - என்ன
2. கண்டு நான் மகிழ்வேன் கர்த்தன் முகம் தனையே
கொண்டு வைத்தேனெனதெல்லாம் - என் நாதன் முன்,
ஒன்றுமே இவர்க்கு ஒப்பில்லை - எனக்கு
என்றும் இன்பம் தந்து இயேசு என்னில் வசிப்பதற்கு - என்ன
3. ஆ எந்தன் தேவனே நானுந்தன் தாசனே!
நீரெனது தஞ்சமானால் தயக்கமேன்?
கெஞ்சுறேன் நானே, கிருபை கூர்ந்தையனே!
புன்னகையோடென்னை ஆண்டு பொற்பதி சேர் மெய்யனே! - என்ன
No comments:
Post a Comment