இராகம்: கதனகுதூகலம் தாளம்: ஆதி
பல்லவி
வந்து ஆவியே தங்கும்! தங்கும் தாவியே,
எந்த னாத்மந்தனில் இறங்கி இந்நாளில்!
சரணங்கள்
1. இயேசுவின் கிருபையால் சொந்தம் நீராகையால்
மைந்தன் நம்பினேனே வந்தருளென் கோனே!
எந்த னுள்ளமே ஏதேன் வனம்போல்
எழிலுறப்பண்ணும் இயேசின் பலி எண்ணும்! - வந்து
2. தாபந்தமாய்த் தானே தவிக்கிறேன் நானே;
பாவம் போக்குவையே பரிசுத்தாவியே!
உந்தன் பதியாய் என்னுள்ளம் மெய்யாய்
இருக்கச் செய் தேவே! இடர் நீக்கிக் கோவே! - வந்து
3. அலகைப் பாவமும் உலகப் பாசமும்
அடியேன் துறக்க அருள்செய் சிறக்க
என்று மெனதே உனதாவதே
இன்றும் என்றும் நாதா எனையாளும் வேதா! - வந்து
4. தேவா! உம்மைப் பார்த்து ஜெபிக்கிறேன் காத்து
தாரும் அருளுடன் ஜீவனும் எனக்கு
நித்ய காலமும் சத்ய தேவனே
பக்தரோடும் வீட்டில் சேரும் வானநாட்டில் - வந்து
K.S Abraham
No comments:
Post a Comment