இராகம்: செஞ்சுருட்டி தாளம்: ஆதி
பல்லவி
ஜீவ தண்ணீர் குடித்து நிதம்
சோபிதமாய் வாழ்வோம்
சுத்தமான பக்தியுடன் - கர்த்தரில்
களிகூர்வோம்
1. இயேசு அன்பைப் பாடி நிதம்
போர் முனையில் செல்வோம்
இயேசு பலத்தாலே பொல்லாப்
பேயை முற்றும் வெல்வோம் - ஜீவ
2. தேவ சுதன் மாண்ட திரு
சிலுவை தனைப் பார்ப்போம்;
துன்பமின்றி இன்பமில்லை
துயரமின்றி நடப்போம் - ஜீவ
3. தேவன் தரும் சிலுவைதனை
நாள் தோறும் சுமப்போம்;
துஷ்டப் பேயின் கட்டிலகப்
பட்டவரை மீட்போம் - ஜீவ 
No comments:
Post a Comment